MBUNGE MGIMWA AZINDUA NA KUCHANGIA VICOBA IHEMI, ASEMA NDOTO YAKE KUANZISHA BENKI

Kada wa Chadema Ihemi akimpongeza Mbunge Godfrey Mgimwa kwa utendaji

Kada  wa CCM na Chadema wakiondoka baada ya kuagana na Mbunge 

Mbunge wa Jimbo la Kalenga Godfrey Mgimwa akizindua kikundi cha VICOBA cha Igunga na Amkeni Group, Kata ya Ihemi

Mbunge  wa Kalenga Godfrey Mgimwa (katikati) akiwa na viongozi mbali mbali katika uzinduzi  wa VICOBA leo

Wanachama  wa Vicoba  Ihemi  wakifurahia  uzinduzi  leo

Wanachama  wa Vicoba Ihemi wakimsikiliza Mbunge Mgimwa leo

Diwani  wa kata ya Ihemi, Denis Lupala akihesabu fedha kiasi cha Shs. 200,000 alizozitoa kwa kikundi cha VICOBA Amkeni leo

Mbunge wa Jimbo la Kalenga, Godfrey Mgimwa, akikabidhi mchango wake wa Shs. 700,000 kwa ajili ya kuunga mkono jitihada za Vicoba jimboni mwake.
...................................................................................

WANACHAMA  wa vikundi  vya Vicoba vya Igunga na Amkeni Group katika Kata ya Ihemi wilayani Iringa wamempongeza Mbunge wa Jimbo la Kalenga Godfrey Mgimwa kwa kuviwezesha vikundi hivyo mtaji kwa ajili ya kuwawezesha wanachama hao kukopeshana zaidi.

Mratibu wa Vicoba Mkoa wa Iringa, Thisiana Kikoti, alitoa pongezi hizo leo  wakati uzinduzi wa Vicoba katika Kijiji cha Ihemi.

Kikoti alisema uanzishwaji wa vikundi hivyo ni jitihada za aliyekuwa mbunge wa Jimbo la Iringa Mjini Monica Mbega ambaye alihamasisha kuanzishwa kwa  VICOBA mkoani Iringa.

Katika Jimbo la Kalenga, hamasa ya kuanzishwa kwa vikundi hivyo imefanywa na aliyekuwa mbunge wa jimbo hilo marehemu Dk.William Mgimwa na sasa jitihada  zinazofanywa na mbunge  wa  sasa Godfrey Mgimwa ni wazi zitafanikisha kukuza uchumi kwa wananchi.

Alisema lengo ni kuona inaanzishwa benki ya VICOBA kwa ajili ya kuwawezesha  wananchi zaidi kiuchumi.

Huku kwa upande wake, Mgimwa mbali ya kuchingia kiasi cha Shs. 700,000 pia alisema ndoto ya mbunge aliyefariki wa jimbo hilo, ambaye ni baba yake mzazi, ilikuwa ni kuanzisha Benki ya Maendeleo katika Jimbo la Kalenga na kuwa tayari alianza kuandika andiko na suala hilo ataliendeleza.

Wakati huo huo, mbunge huyo ameahidi kuchangia kiasi cha Shs. 700,000 kwa vikundi vya Ihekima, Tugele na Imani vyenye wanachama 80 kwa ajili ya kuviwezesha zaidi.

Vikundi hivyo vina akiba ya Shs. 8 milioni tangu vilipoanzishwa mapema mwaka huu.

credit: matukiodaima