UWANJA WA NDEGE WA SONGWE UITWE JOHN MWAKANGALE INTERNATIONAL AIPORT

Ndugu zangu,
Mimi nina mawazo. Katika kuweka kumbukumbu sawa za mashujaa wetu, walau wale wachache tu, ninapendekeza Uwanja wa Ndege wa Songwe Mbeya, ungeitwa John Mwakangale International Airport.

Sababu kubwa ya mapendekezo yangu ni kwamba, Mbeya ndiko wapigania uhuru wa Kusini mwa Afrika ambao baadaye walikuja kuwa viongozi wa nchi zao walipotua. Nelson Mandela kwa mara ya kwanza alitua Mbeya kabla ya kuja Dar es Salaam, aliyempokea ni John Mwakangale.
Mwakangale pia aliwapokea hapo Mbeya viongozi wengine akiwemo Sam Nujoma wa SWAPO (Southern West African Peoples Organization) wa Namibia, pamoja na wengine wengi.
Kwa maana nyingine, Mwakangale, pamoja na kumuenzi kwa kuuita Uwanja wa Maonyesho ya Nane Nane Mbeya kwa jina lake, ni kiongozi aliyesahaulika.
Hivyo basi, tusifanye makosa kwa kuubatiza uwanja huo jina la viongozi wetu wa sasa, hata kama uwanja huo umejengwa katika zama zao.
Ni ushauri tu, jamani.

Mzalendo mwenzenu,
Daniel Mbega
0655-220404