MWANAMKE mmoja mwenye miaka 21
alimchoma visu mchumba wake kwa sababu alishindwa kumpigia simu kila baada ya
saa mbili wakati alipokwenda kujirusha, akamuacha na majeraha makubwa ambayo
madaktari walihisi amekufa, mahakama ya Uingereza iliambiwa wiki hii.
Rhiann Burnie, 21, alimtandika
mchumbaake Shane McMullen, 23, ambaye ni mpanga tofali, kisha akamchoma visu
vya haja begani kabla ya kuwasha sigara na kufuta damu huku akimuacha amelala
sakafuni akipigania uhai wake, mahakama ya Burnley Crown Court ilielezwa.
Upande wa mashtaka ulidai kwamba
mwanamke huyo alipandwa na hasira baada ya mwandani wake huyo kwenda kujirusha
akimwacha nyumbani na binti yao mwenye miaka miwili.
Pamoja na jeraha kubwa lililotokana
na kukatika kwa mshipa wa ateri na kusababisha kupoteza damu nyingi, McMullen alinusurika
kifo lakini amepoteza kumbukumbu na anapatwa na ndoto za ajabu za kuchomwa kisu
tena.
Mahakama iliambiwa kwamba
alijeruhiwa kwa kuwa tu alisahau kumpigia simu mchumba wake huyo ‘kila baada ya
saa mbili’ kama mwanamke huyo alivyotaka.
Mahakama ya Burnley Crown Court iliambiwa
wawili hao walikuwa kwenye uhusiano kwa kipindi cha mwaka mmoja ambapo mwanzoni
mambo yalikuwa swafi lakini ghafla roho ya kinyama ya Burnie ikaibuka, alisema
mwendesha mashtaka, Rachel Woods.
Burnie alikuwa amejaribu mara mbili
huko nyuma kumshambulia kwa kisu McMullen.
Pia kila wakati alikuwa akivunja
milango na samani za ndani kila walipokuwa wakigombana.
Mpo hapo?
No comments:
Post a Comment