KOMBE LA KAGAME: APR TIMU YA JESHI LA RWANDA INAYOTISHA

 

APR walipotwaa Kombe la Kagame mwaka 2010.

Na Daniel Mbega wa www.brotherdanny.com

ARMÉE Patriotique Rwandaise F.C. ndiyo timu pekee ya Rwanda yenye mafanikio makubwa zaidi ndani na nje ya mipaka.

Mtandao wa www.brotherdanny.com unaendelea kuwaletea uchambuzi wa kihistoria katika mashindano haya ambayo yanafanyika jijini Dar es Salaam.

APR inashiriki mara ya 16 michuano ya Kombe la Kagame, lakini pamoja na kuanza kushiriki mwaka 1996, timu hiyo imefanya vizuri kuliko timu nyingi kongwe, ambapo imefika fainali mara 8 na kutwaa ubingwa huo mara tatu kama ilivyo kwa Gor Mahia ya Kenya, El-Merreikh ya Sudan na SC Villa ya Uganda.

Timu hiyo ilitwaa ubingwa katika miaka ya 2004, 2007 na 2010 na imecheza fainali katika miaka ya 1996, 2000, 2005, 2013 na 2014. Imeishia nusu fainali mwaka 2006 na 2012, na robo fainali mwaka 1997 na 2008 na katika miaka 2001 na 2011 iliishia kwenye makundi.

Ukiangalia takwimu za mafanikio ya miaka yote kwenye mashindano hayo, APR ndiyo ya tatu kwa kucheza mechi 75, kushinda 40, sare 12 na kufungwa mechi 18 huku ikipachika mabao 133 na kufungwa 69.

Timu hiyo imepata kuwa na wachezaji mahiri kama Hamisi Bagumaha, Lulenti Kyeyune, Nino Kalisa, Eric Nshimiyimana, Millie Hassan, Olivier Karekezi, Muhaimana Theonest, Jimmy Gatete, Ndizeye Aimé, Bizimana Didier, James Kayimba, Titus Mulama, Loman Ahore, Ssozi Philip, Hamis Yusuf, Yusuf Kayifura, Elius Ntaganda, Bobo Bola, George Waweru, Manfred Kizito, Kadogo Alimas, Abdu Sibomana, Claude Ndoli, Tabula Aboubakar, Alwa Gaseruka, Sadou Boubaker, Kizito Manfred, Vincent Kayizi, Andre Lomani, Rafiki Bob, Abbas Rasoo, Joseph Bwalya, Laurent Kabanda, Almasi Kadogo, Sibomanda Abdul, Elias Ntaganda, na wengineo.

Kwa sasa kikosi hicho kinachonolewa na Mserbia Ljupko Petrovic anayesaidiwa na Eric Niyonshima, kinaundwa na wachezaji kama Kwizera Olivier, Michel Rusheshangoga, Albert Ngabo, Migi Mugiraneza, Emery Bayisenge, Ismael Nshutinamagara, Yannick, Hegman Ngomirakiza, Jean-Claude Iranzi na Jean-Claude Ndoli.

Historia yake

APR ni timu ya Jeshi la Rwanda ambayo ilianzishwa rasmi Juni 1993 ikiwa inaundwa na wanajeshi wa Rwandese Patriotic Front (RPF) kabla hata ya kuinyakua Rwanda.

Uongozi wa klabu hiyo ni wa kijeshi ambapo Rais wa klabu ni Meja Jenerali Alex Kagame, Makamu Mwenyekiti ni Meja Jenerali HadjMubaraka Muganga, Katibu Mkuu ni Alain Gakuba, Meneja Uhusiano na IT ni Siboman Abdou, Ofisa Uhusiano ni Stephen Mupenzi, Meneja wa timu ni mshambuliaji wa zamani wa klabu hiyo Kapteni Eric Nshimiyimana na daktari ni Luteni Venusté Muratwa,

Kama nilivyosema, pamoja na historia yao fupi, lakini ndiyo klabu inayoongoza kwa mafanikio kuliko zote nchini Rwanda ambapo imetwaa ubingwa wa ligi mara 13, Kombe la Rwanda mara saba na Kombe la Kagame mara tatu.

Mafanikio:

Ubingwa wa Ligi Kuu Rwanda: 14

1995, 1996, 1999, 2000, 2001, 2003, 2005, 2006, 2007, 2009, 2010, 2011, 2012, 2014, 2015

Kombe la Rwanda: 8

2002, 2006, 2007, 2008, 2010, 2011, 2012, 2014

Ubingwa wa Kagame: 3

2004, 2007, 2010

Ligi ya Mabingwa Afrika: Imeshiriki mara 10

1997 – Raundi ya Kwanza

2000 – Ilijitoa Raundi ya Kwanza

2002 - Raundi ya Kwanza

2004 - Raundi ya Tatu

2006 - Raundi ya Kwanza

2007 - Raundi ya Kwanza

2008 - Raundi ya Awali

2010 - Raundi ya Kwanza

2011 - Raundi ya Awali

2012 - Raundi ya Kwanza

2013 -

Klabu Bingwa Afrika: Mara 1

1996 - Raundi ya Pili

Kombe la Shirikisho: Mara 3

2004 - Raundi ya Kati

2005 - Raundi ya Pili

2009 - Raundi ya Kwanza

Kombe la Washindi: Mara 1

2003 – Nusu Fainali

Kombe la CAF: Mara 2

1998 - Raundi ya Kwanza

1999 - Raundi ya Kwanza

KUMBUKUMBU HIZI ZIMEANDALIWA NA MTANDAO WA www.brotherdanny.com. Tafadhali ukirejea weka chanzo cha habari.