Na Jumanne Juma, Mtwara
Kamati tendaji ya Chama cha Soka mkoani Mtwara (MTWAREFA) jana
ilikutana kujadili jinsi ya kuipokea ya timu ya Ndanda FC iliyotinga Ligi Kuu
baada ya kumaliza mashindano ya ligi daraja ya kwanza juzi.
Timu hiyo ilifanikiwa kuibuka na ushindi wa mabao 2-1 dhidi
ya Polisi Dar es Salaam na kufikisha pointi 28 ikiwaacha African Lyon kwa
pointi moja baada ya Lyon kulazimishwa sare ya bao 1-1 na Green Warriors ya
jijini Dar es Salaam pia.
Kikao hicho kilichofanyika katika hoteli ya Peninsula mjini hapa
kiliitishwa na Mwenyekiti wa MTWAREFA Athumani Kambi chini ya kamati tendaji.
Wakazi katika baadhi ya maeneo mbalimbali ya mjini Mtwara
jana walionekana kushangilia kwa nguvu huku wakiimba na kusema Ndanda Isembwire
kwa lugha Kingoni (ikiwa na maana ya Ndanda inasherehekea kwa mbwebwe).
No comments:
Post a Comment