MONDULI SASA WAANZA KUTEKELEZA MPANGO WA BRN

Na Mwandishi wa Brotherdannyblog, Arusha

Wilaya ya Monduli mkoani Arusha, imeaanza kutekelezakwa vitendo Mpango wa Taifa wa Matokeo Makubwa Sasa (BRN) kwa kukamilisha miradi mbalimbali ikiwemo maji, nishati na mabwawa  kwa lengo la kuwaondolea wananchi kero .

Taarifa ya mkuu wa wilaya hiyo, Jowika Kasunga, imesema kuwa  Monduli, inatekeleza mpango huo ambao ulizinduliwa na rais Jakaya Kikwete, Februari mwaka huu mpango ambao unakusudia kuwepo na huduma bora zaidi na kuwaondolea wananchi kero zilizokuwa hazijapata majawabu ya kudumu ya utatuzi wake.

Amevitaja vijiji hivyo kuwa  niEngaruka, Selela, Moita, Kilorit, Naalarimi, Lendikinya, ambavyo vinatekeleza mradi wa maji mtiririko, huku vijiji vya Looisimingori, Loiksale, na Mbuyuni, vinatekeleza mradi wa maji ya mabwawa .

Kuhusu nishati ya umeme, taarifa imesema kuwa tayari wilaya ina miradi mitatu ya umeme vijiji ambayo inatarajiwa kuanza utekezaji wake baada ya kupatikana wakandarasi wa kusambaza nishati ya umeme vijijini.