RAIS WA UEFA MICHEL PLATINI AKATAA KUREJESHA 'ZAWADI'

Rais wa UEFA Michel Platini

Rais wa Shirikisho la Soka barani Ulaya (UEFA) Michel Platini amesisitiza kuwa hatorejesha saa yenye thamani ya Euro 16,000 aliyopewa kama zawadi na shirikisho la soka nchini Brazil CBF.

Shirikisho la Soka Duniani (FIFA)

limewataka maafisa wote waliopewa saa hizo katika kombe la dunia kuzirudisha kwa kuwa zawadi hizo zinakiuka maadili ya sheria za FIFA.

Lakini Platini mwenye umri wa miaka 59 amesema yeye hawezi kurudisha zawadi.

Platini amesema kuwa FIFA ilikuwa na habari kwamba zawadi hizo zilitolewa mnamo mwezi juni ,lakini akashangazwa ni kwa nini shirikisho hilo halikuchukua hatua wakati huo.

Saa hizo zilitolewa na mmoja ya wafadhili wa shirikisho la soka.

CREDIT: BBC/SWAHILI