OFISI YA MAKAMU WA RAIS YAKANUSHA TAARIFA ILIYOSAMBAZWA KWENYE MITNDAO

Ofisi ya Makamu wa Rais inakanusha taarifa inayosambazwa kwenye mitandao ya kijamii kwamba Makamu wa Rais wa Jamhuri ya Muungano wa Tanzania Mama Samia Suluhu Hassan, ameomba kujiuzulu nafasi yake na kwamba taarifa hiyo ni ya uzushi na uongo haina ukweli wowote.

KUKANUSHA TAARIFA INAYOSAMBAZWA KWENYE MITANDAO MBALIMBALI YA KIJAMII

JAMHURI  YA  MUUNGANO  WA  TANZANIA

OFISI YA MAKAMU WA RAIS

Anuani ya Simu: “MAKAMU”                             Ofisi ya Makamu wa Rais,

Simu Na.: 2116919                               6 Barabara ya Albert Luthuli,                                                                                                   

Fax Na:    2116990                                             S.L.P.  5380,

Unapojibu taja:                                                11406 Dar es Salaam,

                                                                                                                        6 Septemba, 2016

 

TAARIFA KWA VYOMBO VYA HABARI

YAH: KUKANUSHA TAARIFA INAYOSAMBAZWA KWENYE

MITANDAO MBALIMBALI YA KIJAMII

Ofisi ya Makamu wa Rais inakanusha taarifa inayosambazwa kwenye mitandao ya kijamii kwamba Makamu wa Rais wa Jamhuri ya Muungano wa Tanzania Mama Samia Suluhu Hassan, ameomba kujiuzulu nafasi yake na kwamba taarifa hiyo ni ya uzushi na uongo haina ukweli wowote.

Taarifa hiyo ni ya uchochezi inayolenga kuliweka Taifa kwenye taharuki.  Mhe. Makamu wa Rais yuko bega kwa bega na Mhe. Rais wa Jamhuri ya Muungano wa Tanzania katika kufanya kazi zao kwa mujibu wa Katiba ya nchi ili kuwaletea wananchi maendeleo.

Ofisi ya Makamu wa Rais inawataka wananchi na Watanzania kwa ujumla kupuuza taarifa hiyo ambayo inalenga kupotosha umma kuhusu ushirikiano mzuri uliopo baina ya Viongozi wetu.

Mwisho, Ofisi ya Makamu wa Rais inawasihi Watanzania kufanya kazi kwa bidii na wajiepushe na vitendo vinavyolenga kuvuruga amani na utulivu nchini.

Imetolewa na

Ofisi ya Makamu wa Rais

Dar es Salaam