SHEHE ALIPULIWA BOMU AKILA DAKU

Sheikh Mkuu ,Mufti Shabaan bin Simba

SIKU chache baada ya Sheikh Mkuu ,Mufti Shabaan bin Simba kutangaza

uongozi mpya wa msikiti wa Ijumaa na msikiti wa Quba iliyopo jijini

hapa ,sheikh wa msikiti wa Qiblatan ,Sood Ally Sood(37)uliopo

Kilombero jijini hapa,amelipuliwa na bomu la kurushwa kwa mkono

nyumbani kwake wakati akila daku na kujeruhi vibaya.

Aidha mbali na Sheikh huyo,mtu mwingine aliyekuwa nyumbani

kwake,aliyetajwa kwa jina la Muhaji Kifea (38) mkazi wa Sinza jijini

Dar es salaam  naye amejeruhiwa vibaya na wote wamelazwa katika

hospital ya mkoa Mount Meru kwa ajili ya matibabu.

Sheikh alijeruhiwa upande wa miguu yake yote miwili na mapajani huku

Kifea akipata majeraha makubwa miguuni na kupoteza baadhi ya vidole

vya miguu yote miwili.

Akizungumza hospitalini hapo sheikh,Sood alisema tukio hilo lilitokea

nyumbani kwake eneo la majengo  ya chini ,usiku wa kuamkia jana majira

ya saa 5  wakati yeye pamoja na mgeni wake walikuwa wakila chakula

sebuleni .

Alisema alishangaa kusikia mlio mkubwa ulioambatana na vyuma

mbalimbali vilivyokuwa vikiruka hewani ,ambapo bomu hilo linaelezwa

kuwa ni guruneti lililorushwa kupitia dirishani baada ya watu

wasiofahamika kufanikiwa kuvunja kioo cha dirisha la chumbani katika

nyumba hiyo .

‘’hawa watu kimsingi wanafahamika maana walishawahi kunitishia kupitia

waraka wa maandishi pamoja na kunifyatulia risasi ‘’alisema

Alisema kuwa siku tatu kabla ta tukio hilo alikoswakoswa kwa kupigwa

risasi na watu wasiofahamika wakati akitoka msikitini na kutoa taarifa

katika kituo kikuu  cha polisi jijiji hapa juu ya tukio hilo,hata

hivyo kuna baadhi ya vijana anawatuhumu juu ya matukio hayo.

Sood ambaye ni kiongozi Alswasun kanda ya kaskazini amekuwa

akitofautiana na waamini wenzake kutokana na msimamo wake mkali wa

kutokukubaliana na makundi ya kigaidi yanayojiita jihadi ,yanayotokana

na vijana wenye msimamo mkali yaliyopo ndani ya msikiti huo.

Akizungumzaia tukio hilo mkuu wa mkoa wa Arusha Magesa Mulongo

alikemea matukio mbalimbali yanayotokana na ulipuaji wa mabomu na

kueleza kuwa viashirio vya matukio haya yanatoka ndani ya mkoa wa

Arusha hasa mahusiano mabaya ya waumini na viongozi wa misikiti.

Mulongo alisema matukio ya mabomu yanayoendelea jijini hapa,jeshi la

polisi linawashikilia baadhi ya watuhumiwa ,hivyo wale ambao

hawajakamatwa ndio hasa wanaoendelea na matukio haya  na jeshi la

polisi linawasaka kwa udi na uvumba ili watafikishwa kwenye vyombo vya

sheria.

Naye kamanda wa polisi mkoani Arusha Liberatusi Sabasi alithibitisha

kutokea kwa tukio hilo na kueleza kuwa hali za majeruhi bado

wanaendelea na matibabu huku polisi wakifanya uchunguzi juu ya tukio

hilo, alitoa rai kwa wananchi kuendelea kutoa ushirikiano ili

kuwabaini wahalifu.

Kwa upande waka mbunge wa Arusha mjini Godbless Lema ,alitaka jeshi la

polisi kurejesha amani jijini hapa kwa kulichukuliwa kwa umakini suala

hili ili wananchi waondoe hofu walionayo kutokana na majaribu

yanayojitokeza na kugarimu maisha ya wananchi wasio na hatia.

Aliongeza kwa kuwataka wananchi wajikite zaidi kwenye maombi na

waondoe tama mbalimbali za kutaka madaraka .

Mwisho.