RAIS WA BRAZIL AMUUNGA MKONO ALVES

Swala a tata la ubaguzi wa rangi katika michezo limeibua mchango wa rais wa Brazil.

Rais Dilma Rousseff, amesifu kitendo cha mchezaji wa kimataifa wa Brazil, na Barcelona Dani Alves kutokana na tukio la ubaguzi wa rangi wakati wa mechi ya ligi kuu ya Uhispania, La Liga kati ya Barcelona na Villareal .

Mchezaji huyo wa Barcelona aliokota ndizi aliyokuwa ametupiwa na kuila kabla ya kuitupa na kuendelea na mchezo.

Bi Rousseff aliandika katika mtandao wake wa twitter kuwa Dani Alves alionyesha ujasiri wa kukabiliana na ubaguzi wa rangi katika kandanda na kuwa ni tukio la kuigwa .

Klabu ya Villarreal inasema kuwa imempiga marufuku mwanaume ambaye alitupa ndizi hiyo uwanjani na kuwa hatohudhuria mechi zote za nyumbani za klabu hiyo maishani.

Mamia ya watu na wachezaji maarufu duniani wameonyesha upendo wao kwa mchezaji huyo kwa kuweka picha zao kwenye mitandao wa kijamii wakila ndizi.

Mchezaji wa Manchester City Sergio Aguero alipachika picha akila ndizi sawa na nyota ya soka ya wanawake Marta, wengine ni Luiz Suarez wa Liverpool,Oscar, David Luiz na Willian wote wa Chelsea .

Rais wa Fifa sepp Blatter ameongezea sauti yake katika tukio la hivi punde akisema ni vibaya kwa dhulma hizo kuendelea katika karne hii.

Sergio Aguero (kushoto) akila ndizi kupinga kitendo hicho

 

Neymar (kushoto) akila ndizi kuashiria kuwa anapinga kitendo hicho, kulia ni mchumba wa Daniel Alves (aliyebaguliwa) akiwa ameshika ndizi.

Mtangazaji wa televishen Marilo Montero akila ndizi kuonesha kuwa anapinga ubaguzi

wacheazaji wa Totenham, Mousa Dembele na Nacer Chadli wakila ndizi kupiga kitendo hicho

Hulk pia alipinga kitendo hicho cha ubaguzi wa rangi

Coutinho na Suarez nao walikula ndizi kupinga ubaguzi

Bacary Sagna alionekana akila ndizi kupinga kitendo hicho

Fernadinho akiwa na mwanae wote walikuwa wakila ndizi kupinga ubaguzi huo.