BAISKELI YAMVUNJA MGUU WAZIRI WA MAMBO YA NJE WA MAREKANI JOHN KERRY

John Kerry akiendesha baiskeli katika Milima ya Alps Ufaransa

Waziri wa mashauri ya nchi za kigeni wa Marekani John Kerry, amelazwa katika Hospitali moja mjini Geneva, baada ya kuvunjika mguu, katika ajali ya uendeshaji baiskeli kwenye milima ya Alps, nchini Ufaransa.

Amefutilia mbali ziara yake ya bara Ulaya na sasa atarejea nchini Marekani leo Jumatatu.

Bwana Kerry alikuwa ziarani Switzerland kwa mazungumzo kuhusiana na mpango wa nuklia wa Iran, lakini akaamua kwenda mapumziko kidogo ya kuendesha baiskeli katika milima ya Alps, na hapo ndipo alipopata ajali hiyo.

Alipangiwa kuzuru Madrid leo Jumatatu.

CREDIT: BBC