HUYU SIYE POLISI WA MWANZA, NI KIMANZICHANA, AMEUAWA NA MAJAMBAZI

Wadau, picha hii imekosewa, siyo ya tukio la Mwanza na kwamba bado haijathibitishwa kuhusu kuuawa kwa polisi katika vurugu na wamachinga wa jiji hilo. Tunaambiwa kwamba maiti ya askari huyu ni katika tukio lililotokea huko Kimanzichana, mkoani Pwani ambapo watu wanaosadikiwa kuwa majambazi wamevamia kituo cha polisi na kumuua askari polisi huyu. Kunradhi sana kwa taarifa hii ambayo imekosewa! Tutakuwa makini zaidi na taarifa zetu.

CREDIT KWA WANABIDII

NYONGEZA:

Mnamo tarehe 11/06/14 majira ya 0100hrs huko kituo kidogo cha Kimanzichana Pwani,watu wasiojulikana waliojifanya kuwa ni raia wema waliingia kituo kidogo cha Polisi Kimanzi Chana huku wakikimbia wakiwa na silaha za jadi kiasi cha askari wa zamu kuamini kuwa ni watu wanaohitaji msaada. 

Cha kushangaza watu hao walimvamia askari mwenye silaha ambaye amefahamika kwa jina la JOSEPH

NGONYANI na kuanza kumkatakata mapanga na hatimaye kupora silaha aina ya SMG ikiwa na risasi

30.

Ndipo walipoanza kushambulia kwa risasi askari wengine na kufanikiwa kupora SMG ya pili na risasi 30. Hatimaye watu hao wakapora risasi za akiba 41 na kutoweka kusikojulikana.CHANZO MICHUZI BLOG

Askari Ngonyani alifariki dunia alipokuwa anapatiwa matibabu kwenye hospitali ya wilaya ya Mkuranga. Askari mwingine aitwaye VENANCE amejeruhiwa mgongoni kwa risasi ambayo bado imo ndani, na kwenye paja la mguu wa kulia.

Mgambo Mariam alijeruhiwa kichwani, shingoni na kuvimba bega kutokana na kupigwa sana mateke na kujeruhiwa mbavuni. 

Kwa mujibu wa mganga Mkuu wa zamu wa Hospitali hiyo aitwaye VERONICA MUSIME, anathibitisha askari huyo kufariki akiwa anapatiwa matibabu hapo Mkuranga wakati wengine wamekimbizwa Muhimbili kwa matibabu ya kina. 

Kazi ya Mungu haina makosa; vituoni tuwe makini sana na stahili hii ya ujambazi; HESHIMA PEKEE kwa marehemu na majeruhi hawa ni kuwapata watuhumiwa wote na silaha walizoiba bila kuchelewa. Bila kujali mkoa ulipo, taarifa za haraka tunatarajia kupata toka kwako

kuhusiana na wahusika wa tukio hili. AMEN