TAARIFA YA JESHI LA POLISI MKOA WA MBEYA KWA VYOMBO VYA HABARI
“PRESS RELEASE” TAREHE 22.05.2014.
- JESHI LA POLISI MKOA WA MBEYA LINAWSHIKILIA WATU WAWILI KWA TUHUMA ZA MAUAJ1.
- JESHI LA POLISI MKOA WA MBEYA LINAWASHIKILIA WATU WATANO KWA KUKUTWA NA FUNGUO BANDIA 203.
- JESHI LA POLISI MKOA WA MBEYA LINAMSHIKILIA WATU WATATU KWA KUKUTWA NA POMBE HARAMU YA MOSHI [GONGO] NA MTAMBO MMOJA.
- JESHI LA POLISI MKOA WA MBEYA LAWAFIKISHA MAHAKAMANI WATU WANNE KWA KUFANYA BIASHARA SEHEMU ISIYORUHUSIWA.
TUKIO LA KWANZA.
JESHI LA POLISI MKOA WA LINAWSHIKILIA WATU WAWILI KWA TUHUMA ZA MAUAJ1.
JESHI LA POLISI LINAWASHIKILIA WATU WAWILI WA FAMILIA MOJA JERI KAPONDA [22] NA ROGER KAPONDA [19] WOTE WAKAZI WA KIJIJI CHA ISUTO WILAYA YA MBARALI KWA KOSA LA MAUAJI.
AWALI TAREHE 18.05.2014 MAJIRA YA SAA 22:00HRS USIKU HUKO KATIKA KIJIJI CHA ISUTO, KATA YA CHIMALA, TARAFA YA ILONGO, WILAYA YA MBARALI WATUHUMIWA WALIMSHAMBULIA BAHATI SANGA [40] MKAZI WA KIJIJI HICHO KWA KUMPIGA FIMBO,NGUMI NA MATEKE TUMBONI NA KIFUANI KISHA KUMFUNGIA NDANI YA NYUMBA YAO HADI TAREHE 20.05.2014 ALIPOFANIKIWA KUTOROKA NA KWENDA KUTOA TAARIFA POLISI NA BAADAE KULAZWA HOSPITALI YA MISHENI CHIMALA HADI ALIPOFARIKI DUNIA TAREHE 21.05.2014 MAJIRA YA SAA 13:00HRS MCHANA WAKATI AKIENDELEA KUPATIWA MATIBABU. MAREHEMU BAHATI SANGA ALIKUWA MFANYAKAZI NYUMBANI KWA DAVID KAPONDA [BABA WA WATUHUMIWA] AKIFANYA KAZI ZA KILIMO,BIASHARA NA KUTUNZA MIFUGO. CHANZO CHA TUKIO NI UPOTEVU WA PESA KIASI CHA TSHS 7,000,000/=.TARATIBU ZINAFANYWA ILI WAFIKISHWE MAHAKAMANI.
KAMANDA WA POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANAENDELEA KUTOA WITO KWA JAMII KUACHA TABIA YA KUJICHUKULIA SHERIA MKONONI KWANI NI KINYUME CHA SHERIA NA INA MADHARA MAKUBWA KATIKA JAMII NA BADALA YAKE WAWAFIKISHE KATIKA MAMLAKA HUSIKA WATUHUMIWA WANAOWAKAMATA KWA TUHUMA MBALIMBALI ILI SHERIA ICHUKUE MKONDO WAKE.
KATIKA MSAKO.
JESHI LA POLISI MKOA WA MBEYA LINAWASHIKILIA WATU 12 KUTOKANA NA MISAKO MBALIMBALI ILIYOFANYIKA. KATIKA TUKIO LA KWANZA JESHI LA POLISI LINAWASHIKILIA WATU WATANO KWA KUKUTWA NA FUNGU BANDIA 203 WALIZOKUWA WAKIZITUMIA KUFANYA UHALIFU/KUIBA KATIKA MAHOTELI MBALIMBALI JIJINI MBEYA. WATUHUMIWA HAO NI 1. JUMA TURUKA [35], 2. BABTISTA KINUNDA [23], 3. NOEL MLELWA [20] , 4. ABDUL SALUM [36] NA 5. IDDY SADICK [26] WOTE WAKAZI WA SOWETO JIJINI MBEYA.
TUKIO HILO LIMETOKEA TAREHE 21.05.2014 MAJIRA YA SAA 09:00HRS ASUBUHI KATIKA ENEO LA MABATINI JIJINI MBEYA. TARATIBU ZINAFANYWA ILI WAFIKISHWE MAHAKAMANI.
KATIKA TUKIO LA PILI JESHI LA POLISI LIMEMKAMATA JAIRO MWAKIBINGA [23] MKAZI WA MAMA JOHN AKIWA NA BHANGI YENYE UZITO WA GRAM 250.
TUKIO HILO LIMETOKEA TAREHE 21.05.2014 MAJIRA YA SAA 15:30HRS ALASIRI HUKO KATIKA MTAA WA RUANDA NZOVWE, KATA YA ILOMBA,TARAFA YA IYUNGA JIJINI MBEYA. TARATIBU ZINAFANYWA ILIAFIKISHWE MAHAKAMANI.
KATIKA TUKIO LA TATU JESHI LA POLISI KWA KUSHIRIKIANA NA MAAFISA WA JIJI LA MBEYA WALIWAKAMATA WATU WANNE KWA KUFANYA BIASHARA SEHEMU ISIYORUHUSIWA. WATUHUMIWA HAO NI 1. JOHN JACOB [25],MKAZI WA MAJENGO, 2. KHATIBU HASSAN [31],MKAZI WA SOKOMATOLA ,3. PENDO CHAULA [29],MKAZI WA MAJENGO NA 4. TUMAINI ERNEST [33] ,MKAZI WA ITIJI.
TUKIO HILO LIMETOKEA TAREHE 21.05.2014 MAJIRA YA SAA 10:00HRS HUKO ENEO LA STENDI KUU YA MABASI KATA NA TARAFA YA SISIMBA JIJINI MBEYA. WATUHUMIWA WALIFIKISHWA MAHAKAMANI NA KUPATIKANA NA HATIA, WOTE WALILIPA FAINI YA TSHS 50,000/= KILA MMOJA.
AIDHA KATIKA MISAKO MINGINE ILIYOFANYIKA JESHI LA POLISI LIMEFANIKIWA KUWAKAMATA WANAWAKE WATATU 1. GRACE LUGANO [45],MKAZI WA MAFIATI, 2. MOSHI PAUL [35] MKAZI WA IYUNGA NA 3. ELIZA DANFORD [28], MKAZI WA NDAYELA WAKIWA NA POMBE HARAMU YA MOSHI [GONGO] UJAZO WA LITA 4.5 PAMOJA NA MTAMBO MMOJA WA KUTENGENEZEA POMBE HIYO.
TUKIO HILO LIMETOKEA TAREHE 21.05.2014 MAJIRA YA SAA 13:00HRS MCHANA NA SAA 18:00HRS JIONI HUKO KATIKA MAENEO YA MAFIATI NA IYUNGA JIJINI MBEYA. TARATIBU ZINAFANYWA ILI WAFIKISHWE MAHAKAMANI.
KAMANDA WA POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA JAMII KUACHA KUJIHUSISHA NA MATUMIZI YA DAWA ZA KULEVYA NA POMBE HARAMU YA MOSHI KWANI NI KINYUME CHA SHERIA NA NI HATARI KWA AFYA YA MTUMIAJI. AIDHA ANATOA WITO KWA JAMII HUSUSANI VIJANA KUKABILIANA NA UMASIKINI KWA KUFANYA KAZI HALALI BADALA YA KUWA NA TAMAA YA UTAJIRI WA HARAKA KWA KUFANYA KAZI HARAMU IKIWA NI PAMOJA NA UHALIFU KWANI HATIMA WATAKUMBANA NA MKONDO WA SHERIA NA KUKAMATWA.
Signed by:
[ AHMED Z. MSANGI – SACP ].
KAMANDA WA POLISI MKOA WA MBEYA
CHANZO FULL
SHANGWE
No comments:
Post a Comment